張貼日期: 2006-04-22 01:18
真的非常好看
評論者：XXXXXXXXXX
優： 劇情,拍攝手法都很耳目一新~男主角很帥,女主角很有氣質~
劣： 嗯... 沒有耶
哭得我死掉了....
雖然是愛情片,有點暴力~
男的女的都可以看~
劇情反覆回應....非常好看....
很特別
再三回味
進電影院看是對的....
以上貼出既影評響Yahoo電影網頁中揾到，大讚呢套片，其實，成個網站對呢套戲都係有讚冇彈，我咁夜至返到黎都係因為睇呢套片，但係我覺得呢套片可當選本年度最佳爛片之首喎！講起黎條氣仲谷住谷住，你地話好睇成咁？？？？！！！！有冇韮菜(肯定係篤數做媒)！
呢套片叫~~~~~~雛菊！！
呢排忙到儍，日日為揾新Offic頭痛，終於今日攪惦新地方，好鬼開心，九點幾去到IFC，諗住搭九點半船返屋企，玩下我個新寵Sinablog，點知行過戲院又見到全智賢張Poster，又諗好耐都冇入戲院睇戲，呢套片我都留意左好耐，咁擇日不如撞日啦，俾左$70.00後，咪入場囉，唉！點知賴野！
套戲講就天下無敵啦，導演： 劉偉強 ，主演：全智賢， 鄭雨盛，李誠宰，仲要由郭在容(野蠻女友導演)編劇喎！點知~~~全部"呃哂！"
真係各位觀眾，劉偉強繼"咒樂園"後又一揾你笨笨突破性超時代世紀爛片！！
套戲大玩韓式"講反轉頭你就明"同"其實一早我响你身邊"既屎橋，咁冇乜邊套韓片唔玩，但係玩得最低手最極品都係呢套。條戲橋勁多反駁唔在講，差唔多去到你話係就係既地步，當時兵慌馬亂真係鬼知邊條粉射中全智賢咩，李誠宰又低低能能咁要自責，咁要自責咪娶左智賢佢養佢一世囉，鬼整你又"笛佬"返韓國托咩，攪到賢妹哭哭啼啼，真係攞黎搞。最後九唔搭八又返黎，仲情深款款咁話，賢妹失左聲，我失去左你，全場D人(唔夠十個)抓晒頭跌晒響度，呀賢妹拍晒門喊你返來啦，死咁貞忠，你失乜鬼呀？！
仲有，全場戲高潮位當然係賢妹死啦，但係死得極之低能，明知鎗林彈雨， 鄭雨盛仲唔拉賢妹走，猛Say Sorry，企定定任殺，你話！！！唉！我都唔識講。完場前鄭雨盛梗係報仇啦，呢個位經典囉，個殺人兇手(姜大衛)返屋企坐定定等佢黎殺喎，真低能！
另外選角，點睇李誠宰都好似叔叔搞妹妹，拍全智賢，全場淡妝，谷清純喎，真係只有劉偉強才能拍到賢妹咁多雀斑同鼻哥粒墨，哈！妳估佢係"荷李玉"，Sale演技？全智賢唔靚，有乜好睇？
唉，因為怕真係有D Blog友"大無謂"想去睇，唔爆晒D橋出黎啦，但係咪話冇提過你，真係遂寸菲林遂寸Dum架，你自己諗啦。
其實呀偉強哥都唔係第一次，剛拍完套無間道咪無厘頭拍左套勁爛既咒樂園，咁拍完套頭文字D咪黎套"初谷"囉，(真係由初開場就谷到散場。)幾對稱。
仲話荷李活已重金買左條橋，梗係啦，佢是但拍都一定好過你！賺硬！
總之一句到尾，劉偉強~~~~回水！
這樣的，我們一般看戲戲院想吸引觀眾是會買票送气水的，但有信心叫坐的大製作就沒此優惠，所以一般沒水送的電影如看後貨不對辦強差人意的話，我們可追討回那支本屬我們的气水，就叫回水了！！哈！！！
